ლეიბორისტების ოფისში ოპოზიციური პარტიები საგანგებო შეკრება გაიმართა. განხილვის მთავარი თემა იყო ინტერპარტიული კომისიის ჩამოყალიბება და იმ მოსამართლეებისა და სამართალმდამცველების შავი სიის შედგენა, რომელნიც ცხელისუფლების დაკვეთით ოპოზიციის ლიდერების პოლიტიკურ დევნას ახორციელებენ
ოპოზიციის წევრები განცხადებით, მათ ორ სიაზე უნდა იმუშაონ. პირველ სიაში გაერთიანდებიან ის ადამიანები, რომლებიც არიან პოლიტიკურად დევნილები. ხოლო მეორე სიაში, კი ე.წ. ჯალათები, პოლიტიკური დევნის განმახორციელებლები მოიყრიან თავს
ფართო ოპოზიციური პარტიების მონაწილეობით გამართული კონსულტაციების შემდეგ, მედიისთვის ცნობილი გახდა “ქართული ოცნების” რამდენიმე ლიდერის ვინაობა, რომელიც სიაში მოხვდა და რომელთა მიმართაც ხელისუფლების ოპონენტები სანქციების ამოქმედებას ითხოვენ.
სიის თავშია ბიძინა ივანიშვილი, რომელიც ოპოზიციის თქმით, ყველა უკანონო გადაწყვეტილების გამცემია, სხვა მაღალჩინოსნები კი მას უსიტყვოდ ემორჩილებიან.
“შავი სიის” მეორე ნომერია პრემიერი გახარია, მესამე – სახელმწიფო დაცვის ხელმძღვანელი – ანზორ ჩუბინიძე, საპატრულო პოლიციის უფროსი ვაჟა სირაძე, შალვა თადუმაძე, მამუკა ვასაძე და მოსამართლკე ვალერიან ფილიშვილი.
ოპოზიცია ითხოვს, ჩამოთვლილ ადამიანებს პარტნიორ ქვეყნებში ვიზიტი შეეზღუდს. ამასთან ხელისუფლების ოპონენტების მოთხოვნაა სანქციები დაწესდეს ფინანსებთან დაკავშირებითაც. ოპოზიცია საბანკო ანგარიშების დაყადაღებას ითხოვს.
როგორც უკანონო დავალებების შემსრულებლების და გადაწყვეტილებების მიმღებთა სია ისე ფ რეჟიმის მსხვერპლთა სიაც საბოლოოდ საერთაშორისო პარტნიორებს გაეგზავნებათ. დოკუმენტი ოფიციალურ სახეს 2020 წლის 8 იანვარს გახდება.