სოციალურად დაუცველი პირებისათვის სახელმწიფო შემწეობა იმაზე იქნება დამოკიდებული თუ, რამდენად პრესტიჟულ უბანში ცხოვრობენ ისინი. ცვლილებები, რომელთა შეტანა თბილისის 2020 წლის ბიუჯეტში იგეგმება, სწორედ ამას გულისხმობს. მაგალითად ვაკეში მცხოვრებთათვის დახმარება 400 ლარი ხდება, ისანში მცხოვრებთათის – 150 ლარი ამრიგად, თბილისის მერმა სოციალურად დაუცველების დახმარებები უბნების მიხედვით დაყო.
“ერთიანი ნაციონალური მოძრაობის” საკრებულოს წევრი ლევან ხაბეიშვილი კახი კალაძეს დისკრიმინაციაში ადანაშაულებს.
“მართლა სამარცვინოა, რომ რა დონის პატარა კაცი უნდა იყო, რომ თბილისის ბიჯეტს ამტკიცებდე და რაიონების მიხედვით დაყო თბილისელები, ამას მე არ ვყვები ის ბიუჯეტი ყვება, რომელიც კალაძემ შემოიტანა. ახლა იტყვის, რომ არ წაუკითხავს და არ იცის, ვთავაზობთ, რომ ჯერ წაიკითხოს გადახედოს და წლის ბოლოს დაამტკიცოს. პირდაპირ დისკრიმინაციაა და ადამიანები დაყო, ვაკელებად, საბურთალოელებად და ვარკეთილელებად რაც ყოვლად მიუღებელია” – განაცხადა ლევან ხაბეიშვილმა.