2500 დოლარი ქრთამის სახით ავღანეთში საერთაშორისო მისიაში ჩართვისათვის – სუსმა ქრთამის აღების ფაქტზე დასავლეთის სარდლობის VI საარტილერიო ბრიგადის შტაბის უფროსი ს.ბ. დააკავა

0
493

სახელმწიფო უსაფრთხოების სამსახურის ანტიკორუფციულმა სააგენტომ თავდაცვის სამინისტროს გენერალურ ინსპექციასთან თანამშრომლობით ქრთამის აღების ფაქტზე ერთი პირი დააკავა

“სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, თავდაცვის სამინისტროს გენერალურ ინსპექციასთან თანამშრომლობით, ჩატარებული ოპერატიულ-სამძებრო და საგამოძიებო მოქმედებების შედეგად, ქრთამის აღების ფაქტზე, საქართველოს თავდაცვის სამინისტროს თავდაცვის ძალების დასავლეთის სარდლობის VI საარტილერიო ბრიგადის შტაბის „S-3“-ის უფროსი ს.ბ. დააკავეს.

გამოძიებამ დაადგინა, რომ ს.ბ.-მ საქართველოს მოქალაქეს საქართველოს თავდაცვის სამინისტროში მუშაობის დაწყების, ფიზიკურ მომზადებაში ნორმატივის ჩაბარების და ავღანეთის ისლამურ რესპუბლიკაში საერთაშორისო მისიით მონაწილეობის მისაღებად გამგზავრების სანაცვლოდ ქრთამის სახით მოსთხოვა 2500 აშშ დოლარი, საიდანაც წინასწარ გამოართვა 1000 აშშ დოლარი.

გამოძიება ქრთამის აღების ფაქტზე მიმდინარეობს (საქართველოს სსკ-ის 338-ე მუხლის 1-ლი ნაწილით, რაც სასჯელის სახით ითვალისწინებს თავისუფლების აღკვეთას ვადით 6- დან 9 წლამდე.) გამოძიებას აწარმოებს სახელმწიფო უსაფრთხოების სამსახურის ანტიკორუფციული სააგენტო” – აღნიშნულია სუს-ის მიერ გავრცელებულ ინფორმაციაში.

წინა სტატიარომან კაკულია: ,,არდანახვა იმისა, რომ გამოწვევები არის, არ შეიძლება – რად უნდა ამას ამერიკიდან შემოგზავნილი რაღაცა მითითებები”
შემდეგი სტატიავინ არის საქართველოში სისტემური დემოკრატიის ერთადერთი შემომტანი, რომელიც არ დააფასეს?
ტელეკომპანია ოდიშის საინფორმაციო სამსახური