“ტვ პირველის” ინფორმაციით, 17 დეკემბერს ყვარელში, შატო ბლუალეში სახელისუფლებო წვეულებაზე პატრულის გამოძახება გახდა საჭირო, რადგან ერთმანეთს სამეგრელო-ზემო სვანეთის სუს-ის უკვე ყოფილი უფროსი მალხაზ თორია და სენაკის მერი ლევან კუპრეიშვილი დაუპირისპირდნენ. არსებული ინფორმაციით, ქორიამ კუპრეიშვილი სცემა.
მაღალჩინოსნები ყვარელში სამეგრელო ზემო სვანეთის გუბერნატორის ალექსანდრე მოწერელიას მიწვევით რეგიონის ქალაქების მერებთან და სხვა საჯარო მოხელეებთან ერთად იმყოფებოდნენ.
ჩინოსნების გაშველებაში ჩხოროწყუს, წალენჯიხის და ფოთის მერები ჩაერთვნენ.სწორედ მათ გამოიძახეს ადგილზე საპატრულო პოლიცია
ტელეკომპანიის ცნობით, გენინსპექცია მომხდარის დეტალებს სწავლობს, ხოლო თორია თანამდებობიდან სწორედ ინციდენტის გამო გაათავისუფლეს.
თავად შატოში ინფორმაციას არც უარყოფენ და არც ადასტურებენ. სენაკის, ჩხოროწყუს და წალენჯიხის მერები კი ადასტურებენ, რომ წვეულებაზე იმყოფებოდნენ, თუმცა დაპირისპირების ფაქტს – არა.
“ტვ პირველის” ინფორმაციით ამ ფაქტთან დაკავშირებით სამეგრელო – ზემოსვანეთის გუბერნატორი შესაძლოა მთვარობის ადმინისტრაციაში დაიბარონ, ინციდენტის სხვა მონაწილეები კი სუს-ში.
“არავითარ ინცინდენტს ადგილი არ ჰქონია, შესაბამისად არავის გამოუძახებია საპატრულო პოლიცია და ამის გადამოწმება მარტივად 122-შია შესაძლებელი”” – აღნიშნა პირესსამსახურის ხელმძღვანელმა პაატა ლაგვილავამ ,, ნიუპოსტთან” საუბარში , მან ასევე გამორიცხა ალექსანდრე მოწერელიას თბილისში, კანცელარიაში დაბარების ფაქტიც.