მთავარისიახლეებიპოლიტიკარომან გოცირიძე: სახ. დეპ-ის განცხადებაში პირდაპირ წერია, რომ ქვეყანაში მართლმსაჯულება...

რომან გოცირიძე: სახ. დეპ-ის განცხადებაში პირდაპირ წერია, რომ ქვეყანაში მართლმსაჯულება მიკერძოებულია

Published on

“პირდაპირაა აღნიშნული, რომ საქართველოში მართლმსაჯულება, სასამართლო სისტემა და პროკურატურა არის მიკერძოებული, გამოიყენება პოლიტიკური რეპრესიებისთვის”, – ასე ეხმაურება ერთიანი ნაციონალური მოძრაობის წევრი რომან გოცირიძე აშშ-ის სახელმწიფო დეპარტამენტის მიერ გავრცელებულ განცხადებას.

გოცირიძის შეფასებით, აღნიშნული განცხადება “საკმაოდ მძიმე ფორმის” მოწოდებაა ქართული ოცნებისთვის და მასში ფაქტობრივად აღნიშნულია, რომ საქართველოში მოქმედებს “პოლიციური რეჟიმი” და მიმდინარეობს ოპონენტების პოლიტიკური დევნა.

შეგახსენებთ, რომ აშშ-ის სახელმწიფო დეპარტამენტი საქართველოს მთავრობას მოუწოდებს, რომ უზრუნველყოს პროკურატურისა და სასამართლოს თავისუფლება პოლიტიკური მიკერძოებისგან.

ამის შესახებ სახელმწიფო დეპარტამენტის პრესსპიკერის, მორგან ორტაგუსის განცხადებაშია ნათქვამი.

სახელმწიფო დეპარტამენტი აღნიშნავს, რომ აშშ მხარს უჭერს დაცულ, კეთილდღეობით სავსე და დემოკრატიულ საქართველოს.

“დაჟინებით მოვუწოდებთ საქართველოს მთავრობას, გაამყაროს მისი ერთგულება დემოკრატიის, ინდივიდუალური თავისუფლების და კანონის უზენაესობის პრინციპებისადმი და უზრუნველყოს სასამართლოს და პროკურატურის სისტემის თავისუფლება პოლიტიკური მიკერძოებისგან“, – წერია განცხადებაში. 

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...