ფოთში, მერიის ადმინისტრაციულ შენობასთან საპროტესტო აქცია მიმდინარეობს. გადაკეტილია ცენტრალური გზა. მოსახლეობა ტრანსფარანტით ,, ჩვენ ვითხოვთ სუფთა ჰაერს,” ,,გვასუნთქეთ!” ქალაქში გავრცელებულ თევზის უსიამოვნო სუნს აპროტესტებს.
აქციის მონაწილეთა თქმით, თევზის უსიანოვნო სუნი ფოთში, ქაფშიის გადამუშავების სეზონზე ნოემბერ-თებერვლის პერიოდში ვრცელდება.
მათი განმარტებით, აღნიშნული პრობლემა წლებია აწუხებთ და ამ დრომდე მოუგვარებელია. ისინი ხელისუფლებას სათანადო ზომების გატარებას სთხოვენ.
აქცია საინიციატივო ჯგუფის მიერ სოციალური ქსელით დაიგეგმა.
ფოთში თევზის გადადმამუშავებელი ოთხი საწარმო ფუნქციონირებს. ქარხნების ხელმძღვამელების მტკიცებით, ყველა საწარმო შესაბამისი საჭირო ტექნიკითაა აღჭურვილი. აქციის მონაწილეები მერთან შეხვედრას მოითხოვენ, წინააღმდეგ შემთხვევაში დაშლას არ აპირებენ.