საქართველოს უნივერსიტეტმა ზუგდიდის საგანმანათლებლო რესურსცენტრის დარბაზში სამეგრელო-ზემო სვანეთის კერძო და საჯარო სკოლების პედაგოგებისათვის ჯიპრაიდის სწავლების თანამედროვე მიდგომებსა და მეთოდებში სემინარი გამართა. სემინარის ფარგლებში განიხილეს წარმატებული პროექტების ნიმუშები, მოსწავლეთა განსხვავებული საჭიროების გათვალისწინებითა და თვითრეგულირების უნარის განვითრების ხელშეწყობით, სასწავლო პროექტების დაგეგმვის, სასწავლო პროცესში მოსწავლეთა ჩართულობისა და სააზროვნო უნარების განვითარების, საკითხები. საგანმანათლებლო სფეროში არსებული თანამედროვე გამოწვევების ფონზე, საქართველოს უნივერსიტეტის მიერ დაფინანსებული სემინარი, პედაგოგებისათვის ძალიან საინტერესო და სასარგებლო აღმოჩნდა. საქართველოს უნივერსიტეტის სამეგრელო-ზემო სვანეთის წარმომადგენლობის მიერ ორგანიზებული სემინარი მასწავლებლებისათვის უფასო იყო. ყველა მონაწილეს სერტიფიკატები გადაეცა.სემინარს საქართველოს უნივერსიტეტის ხელოვნებისა და ჰუმანიტარულ მეცნიერებათ სკოლის პროფესიული განვითრების ცენტრის ,,იუჯიპრაიდის“ ტრენერ- კონსულტანტები უძღვებოდნენ.საქართველოს უნივერსიტეტი ახალი მიდგომებისა და თანამედროვე სტანდარტების შესაბამისი განათლების ხელმისაწვდომობის მიმართულებით, ტრენინგებსა და სემინარებს სამეგრელო-ზემო სვანეთის წარმომადგენლობაში მიმავალშიც გეგმავს.