ქობულეთში ავტოსაგზაო შემთხვევის შედეგად ოთხი ადამიანი გარდაიცვალა, ხოლო ერთი მცირეწლოვანი და ახალგაზრდა მამაკაცი ქობულეთის საავადმყოფოში არიან გადაყვანილი. დაღუპულთა შორის ერთ-ერთი ბავშვია
როგორც აჭარის ჯანდაცვის მინისტრმა “ინტერპრესნიუსს” განუცხადა, დაშავებულების მდგომარეობა მძიმეა, ისინი მართვით სუნთქვაზე იმყოფებიან.
ავტოსაგზაო შემთხვევა ქობულეთი-ოზურგეთის დამაკავშირებელ გზაზე მოხდა. ერთმანეთს სატვირთო და მსუბუქი ავტომობილები შეეჯახა.
ადგილზე სამართალდამცავები არიან მობილიზებული.
დღეს ეს საზარელი ავარიის მეორე შემთხვევაა – რუსთავი-ლილოს დამაკავშირებელი გზის გაჩიანის მონაკვეთზე მსუბუქი და სატვირთო ავტომობილების შეჯახების შედეგად ორი ადამიანი დაიღუპა. ორივე ადამიანი მსუბუქი ავტომობილის მგზავრი იყო.