,,ცემენტის ადგილობრივი 12 მწარმოებლის პროდუქტს არანაირი საერთო არ აქვთ ცემენტთან და უბრალოდ ინერტული მასაა და მეტი არაფერი”, – საქცემენტის ასოციაციის განცხადება

0
481

საქართველოს ცემენტის ასოციაციის განცხადებით“, 2019 წლის ნოემბრის ფარული ტესტირების შედეგებმა აჩვენა, რომ ადგილობრივად წარმოებული შეფუთული ცემენტის ოცდათერთმეტი სახეობიდან მხოლოდ 6 კომპანიის ცხრა პროდუქტმა (29%) დააკმაყოფილა ევროპული EN197-1 და EN413-1 სტანდარტების მოთხოვნები.

ასოციაციის ინფორმაციით, ცხრა ნიმუშიდან ექვსი ადგილობრივი პროდუქციაა, სამი იმპორტირებული, კერძოდ, თურქული.

ხოლო დანარჩენი 12 მწარმოებლის ყველა პროდუქტი იმაზე დაბალი ხარისხისაა ვიდრე ეს მითითებულია მათ შეფუთვაზე და არ შეესაბამება არანაირ სტანდარტს, არის ნიმუშები, რომელთაც შეგვიძლია პირდაპირ ითქვას, რომ არანაირი საერთო არ აქვთ ცემენტთან და ხშირად ვერც კი ხერხდება მათი ფიზიკო-მექანიკური გამოცდა, რადგან უბრალოდ ინერტული მასაა და მეტი არაფერი”, – აღნიშნავენ ცემენტის ასოციაციაში.“

„საქართველოს ცემენტის ასოციაციის“ ვარაუდით, წლიურად დაბალი ხარისხის ცემენტის რაოდენობა, რომლის რეალიზაციაც ქართულ ბაზარზე ხდება შესაძლოა 350 000 ტონას აღწევდეს, რამაც შეიძლება 150 000-მდე მოქალაქეს შეუქმნას პრობლემა.

მათივე განმარტებით, ბაზარზე დიდი რაოდენობით უხარისხო ცემენტის რეალიზაცია შესაძლოა, შენობების მდგრადობას უქმნიდეს საფრთხეს.

.

წინა სტატიაანატოლი ბიბილოვი: ოსი ერის ერთადერთი ეროვნული იდეა ოსეთის გაერთიანება და რუსეთის შემადგენლობაში შესვლა უნდა იყოს
შემდეგი სტატია“ამ ცხოვრების დედაცო” – ბავშვმა დაიძახა და მე-9 სართულიდან გადმოხტა. ჩვენ რატომ ვუდასტურებთ? შეწყვიტეთ უიმედობის თესვა – პასუხისმგებლობა გვაქვს!”- თამარ ჩერგოლეიშვილი
ტელეკომპანია ოდიშის საინფორმაციო სამსახური