ერეკლე კუხიანიძე საოკუპაციო ხაზთან იმყოფება. საკრებულოს დეპუტატის განცხადებით, ის უკვე მეორე დღეა ცდილობს, ოკუპირებულ ტერიტორიაზე გადავიდეს. კუხიანიძე აცხადებს, რომ სურს, წვლილი შეიტანოს ექიმი გაფრინდაშვილის გათავისუფლებაში:
“გუშინ ვცადე მე ეს განმეხორციელებინა, მაგრამ რაღაც სხვა მიმართულებით გამიშვეს და სადღაც ტყეში ვიბოდიალე და რაღაც მავთულხლართებში გავიჭედე. დღეს უკვე ეს ამბავი გახმაურდა და ახლა არ მინდა რაღაც ცირკს დაემსგავსოს, მაგრამ გამოუვალი ის მაქვს და გახმოვანდება ჩემი სურვილი. მინდოდა, მიმემართა ბატონი ბიბილოვისთვის,”- განაცხადა კუხიანიძემ.
მისი თქმით, გარინდაშვილმა საოკუპაციო რეჟიმის კანონები დაარღვია თუმცა, მათთან საერთო ენა მაინც უნდა გამოინახოს.
„უნდა გადავსულიყავი იქ და ისეთ სიტყვებს ვიპოვიდი, რომ ვაჟა გაფრინდაშვილს გაათავისუფლებდნენ. ექიმმა მათი კანონები დაარღვია, თუმცა უნდა გამოვნახოთ საერთო ენა და გავათავისუფლოთ ეს ადამიანი” – აღნიშნა კუხიანიძემ.