ხმაურია თბილისის საკრებულოსთან – ალეკო ელისაშვილმა და ლევან ხაბეიშვილმა საკრებულოს თავმჯდომარეს, გიორგი ტყემალაძეს ვაჟა გაფრინდაშვილისა და მისი ოჯახის მიმართ დეპუტატ ერეკლე კუხიანიძის სამარცხვინო განცხადებაზე რეაგირების მოთხოვნით მიმართეს და შენობაში შესვლას ცდილობენ თუმცა, სამართალდამცვები ამის საშუალებას არ აძლევენ.
ადგილზე იმყოფებიან “შეცვალე,” “გაბედე” და “სირცხვილიას” წევრები.
“კუხიანიძე კლასიკური მაგალითია იმისა, თუ როგორი არ უნდა იყოს მოქალაქე. რა თქმა უნდა, მე ვიზიარებ პოზიციას, რომ ის საკრებულოში არ უნდა იყოს და მანდატი უნდა დატოვოს. წარმოუდგენელია, რომ მტრის მიერ ჩვენი მოქალაქე დატყვევებული იყოს და საკრებულოს პირი ასეთ უღირს განცხადებებს აკეთებდეს” – განაცხადა ლევან ხაბეიშვილმა.
ხმაური მოყვა კიდევ ერთ ინციდენტს საკრებულოსთან, რა დროსაც შენობაში შესული საკრებულოს დეპუტატი, ირაკლი ნადირაშვილი პოლიციამ საკრებულოდან ძალის გამოყენებით გამოიყვანა.