დილის 5 საათიდან დაიწყეს შეკრება ზუგდიდში აქციის მონაწილეებმა. მიკროავტობუსები წინასწარ შედგენილი სიების მიხედვით სხვადასხვა ლოკაციიდან ახდენენ წამსვლელების მობილიზაციას. “ქართული ოცნების” მიერ დაგეგმილ აქციაზე წამსვლელთა შორის არიან საჯარო მოხელეები, პედაგოგები, ააიპ-ებისა და სიპ-ების თანამშრომლები. შეგახსენებთ, რომ ხელისუფლებამ საჯარო მოხელეების მობილიზაცია რამდენიმე დღის წინ დაიწყო, ორგანიზაციის ხელმძღვანელებს წინასწარ გადაეცათ სიები, თუმცა “ოდიშინიუსთან” საუბრისას ისინი აცხადებდნენ, რომ მმართველი გუნდი მათ ევროპის დღების დახურვაზე ეპატიჟებოდა, თუმცა, ამ ფორმით მათი წაყვანა მოხდებოდა დაანონსებულ აქციაზე.
დღეს “ქართული ოცნება” თბილისში აქციას მართავს, რომლის ორგანიზატორიც პარტიის ახალგაზრდული ფრთაა.