ზუგდიდიდან თბილისის მიმართულებით 6000_ ზე მეტი ადამიანი მიემგზავრება _ ინფორმაცია ამის შესახებ ჟურნალისტებს საკრებულოს თავმჯდომარე მამუკა წოწერიამ უთხრა. წოწერიას თქმით, ევროპის დღეების გრანდიოზულ დახურვაზე წასვლის მსურველთა რაოდენობა დიდია, ზუგდიდიდან 200 სატრანსპორტო საშუალების მობილიზება მოხდა, ხოლო ხარჯები მმართველმა პარტიამ გაიღო. რაც შეეხება კითხვას, რომ აქ იმყოფებიან საჯარო მოხელეები, პედაგოგები, ააიპ_ ების თანამშრომლები, წოწერიამ განაცახადა, რომ წასვლა ნებაყოფილობითია და ვერც საჯარო მოხელეებს და ვერც პედაგოგებს ვერ დაუშლიან ღონისძიებაში მონაწილეობას.
,, ჩვენ ასეთი დიდი წარმომადგენლობით ვუერთდებით ევროსაბჭოს თავმჯდომარე ქვეყნის სტატუსის აღნიშვნას, რადგან ეს არის ქვეყნისთვის მნიშვნელოვანი მოვლენა, რაც შეეხება საჯარო მოხელეებს, ძალით არავინ არ მიგვყავს, მათ გამოთქვეს სურვილი და ვერავის დავუშლით წასვლას, თუმცა, მინდა გითხრათ, რომ საჯარო მოხელეები იმდენი არ არიან, რამდენიც უბრალო მოქალაქეები, რომლებიც საკუთარი მანქანებით წუხელ გაემგზავრნენ თბილისში,, _ განაცხადა მამუკა წოწერიამ.
შეგახსენებთ, რომ დღეს თბილისში ქართული ოცნების მიერ დაგეგმილი აქცია იმართება, სადაც რეგიონებიდან მიყავთ მოსახლეობა.