გიორგი გახარიას კიევში პრესკონფერენციაზე სიტყვით რუსულად გამოსვლას ოპოზიცია უმწვავესად აფასებს.
“როგორც მოსკოვის კაცს შეეფერება, ის რუსულ ენაზე გამოვიდა პრესკონფერენციაზე კიევში. როცა იმ ქვეყნის პრემიერმინისტრი, რომელიც არის ომში რუსეთთან და რომლის 20% რუსეთის მიერ არის ოკუპირებული, რუსულ ენაზე გამოდის, ეს კიდევ ერთხელ მოწმობს, რომ ქართული ოცნება არის რუსული ოცნება და ივანიშვილის პოლიტიკური პროექტი სინამდვილეში არის პუტინის პოლიტიკური პროექტი საქართველოში” – განაცხადა ნაციონალური მოძრაობის წევრმა თინა ბოკუჩავამ.
მმართველ პარტიაში კი გიორგი გახარიას მიერ სუამ-ის სახელმწიფოების მთავრობის მეთაურთა ერთობლივი პრესკონფერენციის რუსულ ენაზე გამართვაში პრობლემას ვერ ხედავენ
„მე პრობლემას ვერ ვხედავ, იმის გათვალისწინებით, რომ იქ ყველა რუსულ ენაზე საუბრობდა და პრობლემური აქ ნამდვილად არაფერია“, – ასე უპასუხა კახა კალაძემ ჟურნალისტების კითხვას, რამდენად მიზანშეწონილია პრემიერის მიერ ოკუპანტი სახელმწიფოს ენაზე საუბარი.
საქართველოს პრემიერ-მინისტრის ორდღიანი ოფიციალური ვიზიტი უკრაინაში გუშინ დაიწყო.
