ახალი ზელანდიის პოლიციამ კუნძულ უაიტ-აილენდზე ვულკანის ამოფრქვევის დროს 6 დაღუპული იპოვა. ინფორმაცია ამის შესახებ პოლიციის Twitter-გვერდზე გავრცელდა. 

კუნძულ უაიტ-აილენდზე, ქალაქ ოკლენდიდან 270 კილომეტრში, ვულკანი 8 დეკემბერს ამოიფრქვა. პოლიციის ინფორმაციით, ამოფრქვევის დროს კუნძულზე 47 ადამიანი იმყოფებოდა, მათ შორის ავსტრალიელი, ბრიტანელი, ამერიკელი, ჩინელი და მალაიზიელი ტურისტები.

ვულკანის ამოფრქვევისას 8 ადამიანი დაიღუპა და 30-მდე დაშავდა. უგზო-უკვლოდ დაკარგული 8 ადამიანი ხელისუფლებამ გარდაცვლილად გამოაცხადა და მათი ცხედრების ძებნის ოპერაცია დაიწყო.

საავადმყოფოებში ამჟამად 17 ადამიანი რჩება, მათგან 13 კრიტიკულ მდგომარეობაშია. კიდევ 11 დაშავებული სამკურნალოდ ავსტრალიაში გადაიყვანეს.