14 დეკემბერს თბილისში „ქართული ოცნების“ მიერ დაგეგმილ აქციაზე რეგიონებიდან საჯარო მოხელეების მობილიზაცია უკვე დაწყებულია.“ოდიშინიუსისთვის” ცნობილი ხდება, რომ სიები გადაგზავნილია სკოლის დირექტორებისთვის, ბაღის გამგეებისა და დასუფთავების სამსახურისთვის. ჩვენი წყაროს ინფორმაციით, ყველა მათგანის პირად ნომრებს ითხოვენ. „მოითხოვეს პირადობები, უნდა მოგვცეთო, საჭმელი, სასმელი, გზა,  ყველაფერი დაფინანსებულიაო და უნდა წამოხვიდეთო, გვეუბნება დირექტორი“- უთხრა „ოდიშინიუსს“ ერთ-ერთმა პედაგოგმა. მმართველი გუნდი რომ საჯარო მოსამსახურეების მობილიზაციას აკეთებს, არ უარყოფენ ბაღის გამგეების და სკოლის დირექტორების ნაწილი. მათი თქმით, დავალება აქვთ „ზემოდან“ და „რა ქნან“.

შეგახსენებთ, რომ „ქართული ოცნება“ მისსავე მხარდასაჭერად 14 დეკემბერს თბილისში აქციას მართავს.