ხმაური იყო დღეს ბათუმის მერიის შენიბასთან, სადაც სამოქალაქო აქტივსტები მივიდნენ და ბათუმის მაჟორიტარი დეპუტატის მუხრან ვახტანგაძისგან მოითხოვეს პასუხი, რატომ მისცა ხმა პროპორციული საარჩევნო სისტემის წინააღმდეგ თუცა მათ დაცვის პოლიციელებმა მაჟორიტარი დეპუტატის ბიუროში შესვლის საშუალება არ მისცეს.
“მოვედით იმისთვის, რომ მუხრან ვახტანგაძისთვის გვეკითხა, იცის თუ არა, რა განსხვავებაა პროპორციულ და მაჟორიტარულ არჩევნებს შორის,”- ამბობს “ახალგაზრდული ინიციატივების” წევრი გია ხალვაში.
მან და ასევე ორგანიზაცია “ალტერნატივას” აქტივისტებმა მერიის შესასვლელთან გააკრეს სტიკერები – “მონა”.
გუშინ, 5 დეკემბერს, ამავე ორგანიზაციების აქტივისტებმა სტიკერები წარწერით “მონა” მიაკრეს შენობაზე, სადაც ხულოს მაჟორიტარის – ანზორ ბოლქვაძის ბიუროა განთავსებული.