ნატო უპასუხებს ნებისმიერ თავდასხმას, რომელიც პოლონეთის ან ბალტიის ქვეყნებზე განხორციელდება. ამის შესახებ ნატო-ს გენერალურმა მდივანმა, იენს სტოლტენბერგმა ნატო-ს ლონდონის სამიტის წინ განაცხადა.
„ნატო-ს ძალების ყოფნა პოლონეთსა და ბალტიის ქვეყნებში არის მძლავრი მესიჯი რუსეთისთვის: თუ მოხდება მათზე თავდასხმა, მას მთელი ალიანსი უპასუხებს“,-განაცხადა სტოლტენბერგმა.
დღეს და ხვალ დიდი ბრიტანეთის დედაქალაქში ნატო-ს სამიტი გაიმართება. გავრცელებული ინფორმაციით, ალიანსის ლიდერები პოლონეთისა და ბალტიის ქვეყნებისთვის თავდაცვის გეგმას განიხილავენ.