სასტუმრო „ბილტმორში“, მიმდინარე პოლიტიკურ პროცესებთან დაკავშირებით, „ქართული ოცნებისა“ და საპარლამენტო და არასაპარლამენტო ოპოზიციის წარმომადგენლების შეხვედრა იმართება, რომელსაც დიპლომატიური კორპუსიც დაეწრება.
შეხვედრის განხილვის მთავარი საკითხი არჩევნების „გერმანული მოდელი“ იქნება.
შეხვედრას მიესალმება ევროკავშირის ელჩი, რომელმაც განაცხადა, რომ საერთაშორისო თანამეგობრობა მოხარულია, რომ ოპოზიციასა და ხელისუფლებას შორის დიალოგი დაიწყოს და ისინი მხარს უჭერენ შეხვედრას.
“აუცილებელია და მხარს ვუჭერთ ამ ფორმატს. ჩვენ დეტალებს ვაზუსტებთ, თუმცა, როგორც ცნობილია, ე.წ. გერმანულ მოდელის განხილვა იქნება დღის წესრიგში, თუმცა ალბათ, ზოგადად პოლიტიკური სიტუაციის უფრო ფართოდ განხილვა მოხდება. მოლაპარაკებებში საერთაშორისო თანამეგობრობაც ჩაერთვება” – აღნიშნა ჰარცელმა.