ენგურის ხიდი ამ დრომდე ცალმხრივად ჩაკეტილია. ხიდის ჩაკეტვის შესახებ ინფორმაცია მოქალაქეებმა გუშინ სოციალურ ქსელში გაავრცელეს.როგორც რესპოდენტები „ოდიშინიუსთან“ ყვებიან,ოკუპირებულ ტერიტორიაზე შესვლა დაშვებულია, თუმცა, საქართველოს მიერ კონტროლირებად ტერიტორიაზე გადმოსვლას მოქალაქეები ვერ ახერხებენ, განსაკუთრებული შეზღუდვებია ახალგაზრდა მამაკაცებზე.მოქალაქეები ვერ აკონკრეტებენ, თუ რატომ გადაწყვიტა დე-ფაქტო ხელისუფლებამ  ე.წ. საზღვრის უკანონოდ ჩაკეტვა, თუმცა მათი თქმით, არ გამორიცხავენ, რომ შეზღუდვების დაწესება შესაძლოა სოხუმში გუშინ მომხდარ მკვლელობას უკავშირდებოდეს. საოკუპაციო რეჟიმის წარმომადგენლები საოკუპაციო ხაზზე, უკანონო შეზღუდვების დაწესებას, ცხელი ხაზის მეშვეობით არ ადასტურებენ.