რას არ გაიგონებს კაცი: ბრალდებულებს პოლიციელები და მანდატურები საკუთარ პროცესზე არ უშვებენ, მისულებს აძევებენ

0
448

თბილისის საქალაქო სასამართლოს დერეფანში ხმაურია. ამ წუთებში სასამართლოში 18 ნოემბრის აქციაზე დაკავებულების პროცესი მიმდინარეობს. დერეფანში შეკრებილების განცხადებით, ბრალდებულებს, მათ შორის გიგა მაქარაშვილს, პოლიციელები და მანდატურები საკუთარ პროცესზე არ უშვებენ.

როგორც „სირცხვილიას“ ლიდერმა გიგა მაქარაშვილმა განაცხადა, ის პროცესზე 18:00 საათზე იყო დაბარებული.

„ცრუ მოწმეები არიან გადაყვანილები და ამუშავებენ. მოსამართლემ გამაფრთხილა 6 საათზე იყავით დარბაზშიო. მოწმეები, რომლებიც ჩემს წინააღმდეგ ჰყავთ დგანან და ამუშავებენ. მე კიდევ არ შემიშვეს,“ – განაცხადა მაქარაშვილმა.

მოსამართლე ვალერიანე ფილიშვილმა დიმიტრი ბიძინაშვილი და ირაკლი ნადირაძე დღეს მოსამართლემ საკუთარი პროცესიდან გააძევა.

მანამდე პროცესიდან ასევე გააძევეს დეპუტატი სერგო რატიანი და ოპოზიციონერი პოლიტიკოსი ლაშა ჩხარტიშვილი, ასევე ნინო კვიტაიშვილი.

18 ნოემბრის აქციის დაშლისას პარლამენტთან 37 პირი დააკავეს, რომლებსაც ადმინისტრაციული წესით პოლიციისთვის დაუმორჩილებლობასა და ხულიგნობას ედავებიან.

წინა სტატიაიარაღი, რომელიც თითქოს გიორგი რურუას ავტომობილიდან ამოიღეს, მას არ ეკუთვნის – სასამართლო ჩიხშია
შემდეგი სტატიარას უწინასწარმეტყველებს მეუფე იაკობი “ქართულ ოცნებას”, რატომ მიიჩნევს, რომ ბიძინა ივანიშვილის პარტია ქვეყანას დაღუპავს
ტელეკომპანია ოდიშის საინფორმაციო სამსახური