8 ნოემბრის აქციაზე დაკავებულების სასამართლო პროცესიდან “ევროპული საქართველოს”წევრი სერგო რატიანი გააძევეს.
აღნიშნული გადაწყვეტილება თბილისის საქალაქო სასამართლოს მოსამართლე ვალერიანე ფილიშვილმა მიიღო.
სერგო რატიანის გაძევების მიზეზი მოსამართლის განმარტებით, წესრიგის დარღვევა, კერძოდ კი, სიცილი გახდა.
“უმისამართოდ ვიღიმებოდი თან”, – განაცხადა რატიანმა დარბაზიდან გასვლისას.
ამასთან, სასამართლო პროცესზე დაკავებულების ადვოკატს გოგა ონიანს დასწრების საშუალებას არ აძლევენ, ვინაიდან მას სხდომაზე მისვლა დააგვიანდა.
შეგახსენებთ, რომ 18 ნოემბრის აქციის დაშლის შემდეგ დაკავებულების სასამართლო პროცესზე მცირე ხმაური იყო. სასამართლოს სხდომათა დარბაზში მყოფმა ერთ-ერთმა პირმა მოსამართლე ვალერიანე ფილიშვილის მისამართით თქვა, რომ „ბიძინა ივანიშვილის მონაა”, რის გამოც მას სხდომათა დარბაზი დაატოვებინეს. ამ რეპლიკას დარბაზში ტაში მოჰყვა, რის გამოც მოსამართლემ კიდევ რამდენიმე დამსწრეს დარბაზი დაატოვებინა.