ზუგდიდში, დღეს დილით შუახნის მამაკაცი დაჭრეს. დაჭრილი ზუგდიდის რეფერალურ ჰოსპიტალშია შეყვანილი. ემერჯენსის ექიმის მაია ესებუას ინფორმაციით, პაციენტი თვითდინებითაა შემოსული, მას მარცხენა ფეხზე ცეცხლსასროლი იარაღით აქვს ჭრილობა მიყენებული:”შუახნის მამაკაცი საავადმყოფოში დაახლოებით სათ-ნახევრის წინ შემოიყვანეს, მას ქუსლთან აქვს ჭრილობა მიყენებული ცეცხლსასროლი იარაღით, მდგომარეობა სტაბილურია,პაციენტს უტარდება ქირურგიული ოპერაცია”- განაცხადა მაია ესებუამ.
დაჭრა სავარაუდოდ კრიმინალურ გარჩევას უკავშირდება, შემთხვევა ზუგდიდში, რუსთაველის ქუჩაზე, სამაიას ბაღთან მოხდა.