საქართველოში განვითარებულ პოლიტიკურ მოვლენებს საერთაშორისო პრესა ეხმიანება და საკმაოდ კრიტიკულად აფასებს აღნიშნულს. გთავაზობთ მოკლე მიმოხილვას
France24 – აშშ და ევროკავშირი მხარს უჭერენ ანტისამთავრობო აქციებს, რაც დაიწყო მას შემდეგ, რაც ხელისუფლებამ არ შეასრულა დაპირება საარჩევნო რეფორმების შესახებ. წლის ყველაზე დიდ პროტესტს თბილისში 20 000 ათასზე მეტი ადამიანი დაესწრო. პროტესტის მონაწილეები ითხოვენ ხელისუფლების გადაყენებას და არჩევნების ახალი კანონმდებლობით ჩატარებას.
ოპოზიცია ოლიგარქ ივანიშვილს აბრალებს, რომ ის ქვეყანას მართავს არაფორმალურად.
Euronews – ძალადობა დაიწყო მას შემდეგ, რაც 20 000 ათასი ადამიანი შეიკრიბა თბილისის ცენტრში მთავრობის წინააღმდეგ.
“ღრმა იმედგაცრუება ქართული საზოგადოების დიდი ნაწილის” საქართველოს პარლამენტში კონსტიტუციური შესწორების გამო – ნათქვამია ევროკავშირის დელეგაციის და ამერიკის საელჩოს მიერ
Reuters – პროტესტის მონაწილეები საყვირებით და პლაკატებით ხელში – “ერთად ერთის წინააღმდეგ!”, რაშიც იგულისხმება მმართველი პარტიის ლიდერი, ოლიგარქი ივანიშვილი, რომელსაც აკრიტიკებენ ქვეყნის არაფორმალური მართვისთვის
Neweurope – 2012 წლიდან, ბიძინა ივანიშვილის მმართველობა დაფუძნებულია ტყუილზე და თაღლითობაზე. ივანიშვილმა მოატყუა ქართული საზოგადოება და საერთაშორისო თანამეგობრობა, და რაც მთავარი და სახიფათოა, მოატყუა თავისი მთავრობა და პარტია რეალური პოლიტიკის დამალვით. მან დაავალა თავის მთავრობას, რომ მიყოლოდნენ საჯაროდ გაცხადებულ გეგმებს და პოლიტიკას, მაგრამ სისტემატიურად ძირს უთხრიდა ამ გეგმებს კულისებიდან.
ივანიშვილის ინსტრუქციების კვალდაკვალ, მრავალ ინვესტორს ექმნება ხელოვნური ბარიერები, მათ შორის იმათ, რომლებიც ანაკლიის პორტს აშენებდნენ
Washingtonexaminer – გაიცანით ბიძინა ივანიშვილი – პუტინის წამბაძველი საქართველოდან.
ოლიგარქი ივანიშვილი ეჯიბრება ვლადიმერ პუტინს მის პარტიასთან ერთად. პუტინიზმის ბოლო აქტი ივანიშვილის მხრიდან გამოვლინდა ხუთშაბათს, როდესაც “ქართულმა ოცნებამ” ჩააგდო პროპორციული საარჩევნო სისტემის კანონპროექტი
ავტორი: ლევან თორია