საქართველოს მასშტაბით 60-ზე მეტ კლინიკაში საოკუპაციო რეჟიმის მიერ დაკავებული ექიმის, ვაჟა გაფრინდაშვილის მხარდასაჭერად თეთრი ხალათების აქცია გაიმართა. აქციას ზუგდიდელი ექიმებიც შეუერთდნენ.ზუგდიდის რეფერალური ჰოსპიტლისა და კლინიკა გულის ექიმებმა მდუმარე აქციით სოლიდარობა გამოუცხადეს ქართველ ექიმს.
საქართველოს მოქალაქე, თბილისში მცხოვრები ექიმი ვაჟა გაფრინდაშვილი ოკუპირებული ორჭოსანის სიახლოვეს რამდენიმე დღის წინ დააკავეს. ექიმის წინააღმდეგ დე ფაქტო რეჟიმმა სისხლის სამართლის საქმე აღძრა. ცხინვალის საოკუპაციო რეჟიმმა ექიმ ვაჟა გაფრინდაშვილს წინასწარი ორთვიანი პატიმრობა შეუფარდა.