უკრაინაში ცეცხლის შეწყვეტის შეთანხმება კვლავ ირღვევა- ბოევიკებმა 17 ნოემბრის ღამეს 16-ჯერ გაისროლეს უკრაინის შეიარაღებული ძალების პოზიციების მიმართულებით. ინფორმაციას ავრცელებს უკრაინული მედია.
„17 ნოემბერს რუსეთის ფედერაციის კონტროლქვეშ მყოფმა ბანდფორმირებებმა 82 მმ-იანი ნაღმტყორცნების, ყუმბარმტყორცნებისა და ტანკსაწინააღმდეგო სისტემების გამოყენებით მიიტანეს იერიში უკრაინელი სამხედროების პოზიციებზე“ ,- ნათქვამია უკრაინის არმიის პრეს-ცენტრის განცხადებაში. გასული ღამის მანძილზე ხშირი იყო შემთხვევები განუწყვეტელი თავდასხმებისა მსხვილკალიბრიანი ტყვიამფრქვევებიდან და ცეცხლსასროლი ავტომატური იარაღებიდან.