ზუგდიდის მოსწავლე ახალგაზრდობის სასახლის დარბაზში ზურაბ ცხონდიას წიგნის პრეზენტაცია გაიმართა.
„გრანელის სევდა და სხვა“- ასე ეწოდება , რომელშიც ზურაბ ცხონდიას ესეებია შესული. მწერლის შემოქმედება დამსწრე საზოგადოებამ შეაფასა, ბევრი ისაუბრეს მისი ცხოვრებისა და საქმიანობის მნიშვნელოვან დეტალებზე.
ასოცირებული პროფესორი ზეინაბ სარიამ საღამოზე განაცხადა, რომ მას ძალიან გაუხარდა ამ ნაშრომის დაბეჭდვა. მისი თქმით, ამ წიგნში კარგად ცანს ზურაბ ცხონდიას პროფესიული ხედვა.
ზურაბ ცხონდიას მეგობარი ნონა ქობალია ჩვენთან საუბარში ამბობს, რომ მისთვის ზურაბ ცხონდიას სახელს უკავშირდება ორი მნიშვნელოვანი ასპექტი – პროვინციაში ( და არა პერიფერიაში) ნებსით თუ უნებლიეთ დარჩენილი, მაგრამ არა ჩარჩენილი ადამიანის ტკბილ-მწარე ცხოვრება და ზეპირი მოთხრობის, როგორც ლიტერატურული ჟანრის, თავისებური ხიბლი.
ღონისძიებაზე განსაკუთრებული ოვაციები იგრძნობოდა დამსწრე საზოგადოების მხრიდან, ყველაზე ამაღელვებელი იყო თავად ზურაბ ცხონდიას მიერ წაკითხული საკუთარი ლექსებისა და სიმღერის მოსმენა.