“სიმართლე მინდა დავამტკიცო და ყველას მოვთხოვ პასუხს“, – აცხადებს ზუგდიდის რაიონის სოფელ ცაიშის მკვიდრი რამაზ ხუხუა, რომელსაც ბიძა მამის მკვლელობაში ადანაშაულებს. ხუხუას მამა, 63 წლის რევაზ ხუხუა სამი წლის წინ გარდაიცვალა. როგორც ოჯახის წევრები ამბობენ გარდაცვლილი უბედურ შემთხვევას ემსხვერპლა, იგი ნასვამ მდგომარეობაში იმყოფებოდა და თერმულ წყლებში გარდაცვლილი იპოვეს. დღეს ცაიშის სასაფლაოზე შვილის მოთხოვნით მიცვალებული ამოთხარეს და გვამის ექსჰუმაცია მოხდება. მას იმედი აქვს, რომ ამ პროცესის დასრულების შემდეგ მისი უდანაშულობის შესახებ სიმართლე გაირკვევა.