ბათუმის სანაპიროზე ქარბორბალა დაფიქსირდა. სინოპტოკოსები ამბობენ, რომ შავი ზღვის სანაპიროზე ბუნების ეს მოვლენა ხშირი არ არის, თუმცა პერიოდულად აღინიშნება.
„მსგავსი მოვლენა დამახასიათებელია შემოდგომაზე და გაზაფხულზე, როცა ტემპერატურის ცვლილება ხდება.
წინა ძლიერი წვიმისასაც დაფიქსირდა ქარბორბალა სარფის მიმდებარე ტერიტორიაზე, სანაპიროზე.
ეს ხშირად არ ხდება, მაგრამ არის შემთხვევები და არავინ იცის რატომ ხდება კონკრეტულ ადგილას. ამ დროს ქარის მასა ძლიერად ტრიალებს, იმის მიუხედავად, რომ ირგვლივ, ბუნებაში, მკვეთრი ცვლილება არ აღინიშნება“ – ამბობს გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის დირექტორი რუსუდან დიასამიძე. იგი აჭარაში ამინდის პროგნოზზე 40 წელზე მეტია მუშაობს.