ავტოსაგზაო შემთხვევა მოხდა ზუგდიდი-ჯვარი – მესტიის ჩხორიის მონაკვეთზე. როგორც თვითმხილველები ამბობენ, ჯვარის მხრიდან მომავალი ოპელის მარკის მსუბუქი ავტომანქანა გზის სავალი ნაწილის საპირისპირო მხარეს ჯერ ელექტროგადამცემ ბოძს და შემდეგ ხეს შეეჯახა. ავტოსაგზაო შემთხვევის შედეგად დაშავებული სამივე ახალგაზრდა ზუგდიდის მე-7 სკოლის მე-12 კლასის მოსწავლეა.
დაშავებულები ზუგდიდის რეფერალურ ჰოსპიტალში 112-ის ბრიგადამ გადაიყვანა. ექიმების ინფორმაციით, შემოყვანილი 3 მამაკაციდან ორის მდგომარეობა სტაბილურია, ხოლო მესამე ტერმინალურ მდგომარეობაშია და მართვით სუნთქვაზე იმყოფება.