2016 წელს შევსებული დეკლარაციის მიხედვით, უზენაესის მოსამართლეობის კანდიდატმა პაატა სილაგაძემ 2015 წელს 52 ათასი ლარით მეტი დახარჯა, ვიდრე შემოსავალი ჰქონდა. პარლამენტში მისულ სილაგაძეს დღეს ისიც შეახსენეს, რომ ამ წელს თბილისში ორი ბინა იყიდა.
“ხომ არ დაგავიწყდათ და ვინმემ ხომ არ გაჩუქათ თანხა, მაგალითად თქვენმა ძმამ ან ვინმემ სხვამ. შეიძლება ვინმემ გაჩუქათ და ტექნიკური შეცდომაა და არ ჩაგიწერიათ დეკლარაციაში?” – კითხა სილაგაძეს დეპუტატმა გოგორიშვილმა.
კანდიდატი ამბობს, რომ არ იცის, როგორ დახარჯა 52 ათასი ლარით მეტი, ვიდრე შემოსავალი ჰქონდა.
“შეიძლება შეცდომაა რამე, არ ვიცი, არავის უჩუქებია არაფერი.” – თქვა უზენაესი სასამართლოს მოსამართლეობის კანდიდატმა.