ძმის მკვლელობაში ბრალდებული  ზუგდიდის რაიონულმა სასამართლომ პატიმრობაში დატოვა. როგორც სხდომაზე პროკურორმა მირანდა მუმლაძემ აღნიშნა,პატიმრობის შეფარდების შესახებ შუამდგომლობა ბრალდებულის მხრიდან მიმალვის საფრთხის თავიდან აცილების გამო დააყენა. ბრალდებულის ადვოკატი 10 000 ლარიანი გირაოს შეფარდებას ითხოვდა, რაც სასამართლომ არ დააკმაყოფილა. მესტიის მუნიციპალიტეტის სოფელ ცხუმარში მომხდარ  შემთხვევაში ბრალდებული ბესიკ არღვლიანი დანაშაულს აღიარებს. მესტიის მუნიციპალიტეტის სოფელ ცხუმარში ძმამ ძმა 20 ოქტომბერს მოკლა. არსებული ინფორმაციით, შემთხვევას წინ ურთიერთდაპირისპირება უძღოდა. მომხდართან დაკავშირებით გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. შემდეგი სასამართლო სხდომა 16 დეკემბერს გაიმართება.