ფონდი Soco-ს სარეაბილიტაციო სახლი ზუგდიდში ოფიციალურად გაიხსნა. აღმაშენებლის ქუჩაზე დღეიდან იმ ცერემბრალური დამბლის დიაგნოზის მქონე ბავშვებისა და მათი მშობლებისთვის, რომლებსაც ქალაქში გაჩერებისა და ტრანსპორტირების პრობლემა აქვთ, მათთვის აუცილებელი ყველა პირობაა შექმნილი. ეს ის კატეგორიაა, რომლებიც ზუგდიდში, გორკის ქუჩაზე მდებარე ნეიროგანვითარების ცენტრში გადიან მკურნალობას, სამედიცინო სარეაბილიტაციო კურსის განმავლობაში ამ სახლში 4 ბენეფიციარი და მათი მშობელი უფასო სამჯერად კვებას და ტრასპორტის მომსახურებას მიიღებს.
მულტიფუნქციურ ცენტრში სამომავლოდ საზღვარგარეთიდან ექიმების ჩამოყვანა და ასევე დღის ცენტრის გახსნაც იგეგმება, სადაც ბავშვები სხვადასხვა უნარ-ჩვევებს შეისწავლიან.
ასმათ ძიმცეიშვილი 14 წლის მარიამის დედაა, რომელიც სოფელ ერგეტაში ცხოვრობს, მისთვის სარეაბილიტაციო ცენტრის გახსნა, როგორც თვითონ ამბობს შვებაა, რადგან შეზღუდული სტატუსის მქონე პირისთვის გადაადგილება და მასთან დაკავშირებული ხარჯები ძვირია.
სარეაბილიტაციო ცენტრის გახსნას ადგილობრივებთან ერთად უცხოელი სტუმრებიც ესწრებოდნენ.