ქალთა მიმართ ძალადობის დასაგმობად და თამთა თოდაძის მხარდასაჭერად ზუგდიდში აქცია გაიმართა. “სამოქალაქო აქტივობისა და თანასწორობის ცენტრის” ორგანიზებით მოწყობილ აქციაში არასამთავრობო სექტორი, სამოქალაქო აქტივისტები და საზოგადოების ნწარმომადგენლები მონაწილეობდნენ. აქციის მონაწილეებს ეჭირათ პლაკატები წარწერებით: „არა ნიშნავს არას!“ ნუ მათვალიერებ“, „ქალზე ძალადობა დანაშაულია“, „პოლიცია, დასაჯე მოძალადე“.
შეკრებილები მთავარი პროკურორისაგან სამართლიანი გამოძიების წარმართვას და დამნაშავის დასჯას ითხოვდნენ. თამთა თოდაძე თბილისის საკრებულოში ქართული ოცნების დეპუტატს, ილია ჯიშკარიანს, სექსუალურ ძალადობის მცდელობასა და ფიზიკურ ძალადობაში ადანაშაულებს. შემთხვევიდან ერთი კვირის შემდეგ მას მოწმის სტატუსი აქვს და დაზარალებულად არ არის ცნობილი, ილია ჯიშკარიანს კი ბრალი არ აქვს წარდგენილი.
თამთა თოდაძის მხარდასაჭერი აქცია თბილისშიც გაიმართა.