ანაკლიაში 16 ადგილობრივ მცირე მეწარმეს, ანაკლიის განვითარების კონსორციუმისა და USAID -ის ერთობლივ პროექტ „ზრდა“ -ს ფარგლებში, გრანტი და შესაბამისი სერთიფიკატები გადაეცათ.
როგორც ანაკლიის განვითარების კონსროციუმის გენერალური დირექტორი ლევან ახვლედიანი განმარტავს, ამ ტიპის სოციალური პროექტების დაფინანსება ადგილობრივ მცირე, მიკრო ბიზნესებს გაფართოებაში და უფრო მეტი ხალხის დასაქმებაში დაეხმარება.
რაც შეეხება ანაკლიის პორტის პროექტს, რომელსაც ვადები 15 ოქტომბერს ეწურება, ახვლედიანი განმარტავს, რომ ამ ეტაპზე მიმდინარეობს ამერიკელ ინვესტორებთან მოლაპარაკებები, რომელიც არის კონფიდენციალური და მეტი დეტალების გახმაურებისგან იგი თავს იკავებს.
ბოლო პერიოდში გამოთქმული ვარაუდები, ანაკლიის პორტის მშენებლობის შეჩერების ან ჩაშლის, ან თუნდაც გაგრძელების შესახებ, რამდენიმე დღეში გახდება ცნობილი.