„გამარჯვებული საქართველოს“ წევრი გურამ ჩალაგაშვილი სასამართლო დარბაზიდან გათავისუფლდა.

გამომდინარე იქიდან, რომ  შინაგან საქმეთა სამინისტროს მხრიდან სასამართლო პროცესზე წარდგენილი მტკიცებულებები არასრული იყო, სამართალდამცავებმა იმის დასადასტურებლად, რომ ჩალაგაშვილი ბიძინა ივანიშვილისა და გიორგი გახარიას სიტყვიერ შეურაცხყოფას აყენებდა, წარმოადგინეს სამხრე კამერები, რაც მოსამართლემ საკმარისად არ ჩათვალა და ამ მიზეზით პროცესი გადადო.

,,ეს ყველაფერი არის ფარსი, უნდოდათ, რომ ჩალაგაშვილი რაღაცით შეეშინებინათ. – განაცხადა ჩალაგაშვილმა სასამართლო დარბაზიდან გათავაისუფლების შემდეგ. – მინდა მოსახლეობას ვუთხრა ერთი რამ თუ საკუთარ მანქანაში, უკანა სავარძელში იჯდებით, ფანჯარა გექნებათ ჩაწეული და მოინდომებთ სიმართლის თქმას, რასაც ჰქვია ბიძინა ივანიშვილი არის სისხლისმსმელი და მას მოიხსენიებთ აუგად, ამ შემთხვევაში მესამე სართულზე 30 მეტრში მდგარ კორპუსში ვიღაც გაიღვიძებს გაიგებს ამ ხმას გამოვა შეწუხდება და შენ ხარ დამნაშავე. ეს არის სამართალი და ამათი მტკიცებულება. სამი თვის განმავლობაში მე ვამბობ ყველგან, რომ მუდმივად სუს-ის მანქანა დაგვყვება უკან. სამი დღეა გავყიდე მანქანა, არ მყავს და ამაზე გაცოფდნენ ამაზე ვერ მიპოვნენ და საბოლოოდ მიპოვეს მივდიოდი და მოპირდაპირე მხრიდან მომავალმა პატრულმა ეტყობა მიიღო უცებ რაღაც შეტყობინება, უცებ მოგვატრიალა, გაგვაჩერა და ჰოი საოცრებავ… თუ დამეკისრა ჯარიმა, აუცილებლად ჩავდებ კონვერტში და გავუგზავნი ბიძინას ფოსტით, ბევრი აქვს ფული და გადაიხადოს”.

შინაგან საქმეთა სამინისტროს ინფორმაციით, „გამარჯვებული საქართველოს“ წევრი გურამ ჩალაგაშვილი წვრილმანი ხულიგნობის ფაქტზე დააკავეს, ოპოზიცია კი აცახადებს, რომ ეს დაკავება სხვა არაფერია, თუ არა პოლიტიკური დევნის გამოხატულება