საზღვრისპირა სოფელ ხურჩაში, საგუშაგოზე 20 წლის ჯარისკაცი კობა გეთია დაიჭრა. ოჯახს არა აქვს ინფორმაცია, თუ რა მოხდა საგუშაგოზე, ისინი აცხადებენ, რომ ხელმძღვანელობის პასუხისმგებლობის საკითხი უნდა დადგეს და ოჯახსაც კომპენსაცია უნდა მიეცეს.
“თვითონ მოუვიდა თუ სხვამ გააკეთა- არა აქვს მნიშვნელობა, უნდა აგოს პასუხი ვიღაცამ, წესრიგი რომ არა აქვთ იმიტომ, ახლა ერთი ოპერაცია დასჭირდა, შესაძლოა მეორეც დასჭირდეს, საღ-სალამაი ბიჭი იყო..ოჯახსაც უნდა მიეცეს კომპენსაცია”- ამბობს ოჯახის ახლობელი.
ჯარისკაცი ამჟამად მოთავსებულია ზუგდიდის რეფერალურ ჰოსპიტალში.შსს-ს ინფორმაციით, ფაქტზე დაწყებულია გამოძიება სსკ 124-ე მუხლით, რაც გაუფრთხილებლობით ჯანმრთელობის დაზიანებას გულისხმობს. ზუგდიდის საავადმყოფოში კი მომენტარს არ აკეთებენ.