სოციალურ ქსელში გავრცელებულ ვიდეოსთან დაკავშირებით დარჩელის ბაღის გამგე მედიასთან კომენტარს აკეთებს. ინზა ქობალიამ „ოდიშინიუსს“ განუცხადა, რომ საძინებელი ბაღს საერთოდ არა აქვს და შესაბამისად არც ბავშვებს აძინებენ, თუმცა სათამაშო ოთახში, სადაც პატარები თამაშობენ, მოუნდათ დაწოლა და იქვე დაწვნენ.
„ეს არ არის ბაგა-ბაღი და შესაბამისად არც ვაძინებთ ბავშვებს. ბაღი არის სარემონტო, აქ არ არს შესაბამისი პირობები, გვაწვიმს, ოთახები გასაკეთებელია, მაგრამ რემონტი არ კეთდება, რადგან ახალი უნდა აშენდეს. „- განაცხადა ინეზა ქობალიამ. ის არ უარყოფს იმ ფაქტს, რომ ბავშვები იწვნენ იატაკზე, თუმცა ამბობს, რომ ამას მასიური სახე არ ქონია, სადაც ბავშვები თამაშობდნენ, იქვე მოუნდათ დაწოლა და ეს მეთოდი მიღებულია თამაშის დროს“- აცახდებს გამგე. ბაღის თანამშრომლები ამბობენ, რომ ის ადამიანი ვინც ვიდეო გადაიღო, იყო ნასვამი და მან ეს მიზანმიმართულად გადაიღო. მშობლის მიერ გადაღებული ვიდეო სოციალურ ქსელში გუშინ გავრცელდა.