საბერძნეთში,   ქალაქ ათენში დაკარგული ქართველი გოგონა,რომელსაც რამდენიმე დღე ეძებდნენ, იპოვეს. ამის შესახებ ინფორმაციას, გვერდი georgians.gr ავრცელებს.

“ათენში დაკარგული ქართველი გოგონა, სახელად სალომე, იპოვეს. არის ცოცხალი და იმყოფება ელეფსინაში, კერძოდ თრიასიოს საავადმყოფოში. ამ წუთას მისი ახლობლები იქ მიდიან. დამატებითი დეტალები ჯერ არ ვიცით” – აღნიშნულია ინფორმაციაში.

სოციალურ ქსელებში გავრცელებული ინფორმაციით, სალომე გოგინაშვილი ორი დღის წინ გავიდა შინიდან და მას შემდეგ არ გამოჩენილა, გოგონა ზარებს არ პასუხობდა, მოგვიანებით ტელეფონიც გაითიშა. ორი დღის წინ გოგონას დედამ ნონა კუპრაშვილმა სოციალურ ქსელში გამოაქვეყნა მიმართვა, რომელშიც გაუჩინარებული შვილის პოვნაში დახმარებას ითხოვდა.
“მიშველეთ ხალხო, ვისაც შეგიძლიათ გამოდით, აქცია მომაწყობინეთ, მომეხმარეთ, ჩემი სალო მაპოვნინეთ” – წერდა ნონა კუპრაშვილი.