საქართველოს პრეზიდენტმა მკვლელობაში მსჯავრდებულებთან ერთად ორი ნარკორეალიზატორიც შეიწყალა და გარდა მისა, რომ გაათავისულასაპატიმრო სასჯელის მოხდისგან, ისე შეუმცირა პირობითი სასჯელი. ერთი 25 წლის სანდრო არდაზიშვილია, მეორე კი 34 წლის თეა ბედინაძე.

სალომე ზურაბიშვილის მიერ შეწყალებული ნარკორეალიზატორი, 25 წლის სანდრო არდაზიშვილი, რომელმაც დაკავებიდან 6 თვეში დატოვა საპყრობილე, ამბობს, რომ ქვეყნის პირველი პირის სახელზე განცხადება დედამისმა დაწერა.

არდაზიშვილი “მთავარ არხთან” აცხადებს, რომ ოჯახმა განცხადება დაწერა საპატრიარქოს სახელზეც.

“სავარაუდოდ იმიტომ მიიღო გადაწყვეტილება, რომ აქამდე ნასამართლევი არ ვყოფილვარ. პირადი შემთხვევა იყო, პირადი მოხმარებისთვის მქონდა. თან სტუდენტი ვარ, თან დასაქმებულიც ვიყავი. ალბათ ჩემი ისტორიიდან გამომდინარე”- განაცხადა ნარკორეალიზაციის ბრალდებით დაკავებულმა სანდრო არდაზიშვილმა.

არდაზიშვილი გასამართლებული იყო 260-ე მუხლის მე-6 ნაწილით , რაც განსაკუთრებით მძიმე კატეგორიის ნარკოდანაშაულის ჩადენას გულისხმობს და 16-დან 20 წლამდე ან უვადო თავისუფლების აღკვეთას ითვალისწინებს.

სანდრო არდაზიშვილს პატიმრობა 2019 წლის მაისში შეუფარდეს. მან საპყრობილეში მხოლოდ 6 თვე დაჰყო