ზუგდიდის მერის ინიცისტივას, შაბათი დღე ინტელექტის დღედ გამოცხადდეს, საზოგადოების კრიტიკა მოყვა, რაზეც მერიამ განცხადება გააკეთა და განმარტა, რომ ინფორმაციის არასწორი ინტერპრეტაცია მოხდა. მოგვიანებითგანმარტება აღნიშნულ საკითხზე ზუგდიდის მერმა გიორგი შენგელიამაც გააკეთა. მისი თქმით, მერიის ინიციატივით დაწესდა ინტეელექტუქლების დღე და არა ინტელექტის დღე. “ჩვენ ყოველი კვირის დასასრულს ვაკეთებთ სხვადასხვა ღონისძიებებს, რომლის ფარგლებშიც დაიგეგმა ეს აქტივობაც. ვწუხვარ, რომ საზოგადოებას არასწორი ინფორმაცია მიეწოდა და შეცდომაში იქნა შეყვანილი. რეალურად, შაბათობით ჩვენს ქალაქში გაიმართება სხვადასხვა ინტელექტუალური თამაშები და იქნება ინტელექტუალური თამაშების დღე. დღეიდან სწორედ შაბათი გახდება ინტელექტუალური თამაშების დღე, სადაც 14 წლიდან მსურველებს ექნებათ შესაძლებლობა შექმნან 6 კაციანი ჯგუფი, შემოიტანონ განცხადი მერიაში და ჩაერთონ ინტელექტუალურ თამაშებში. ინტელექტუალური თამაშები გაიმართება შემდეგი მიმართულებით: რა? სად? როდის? ასევე გაიმართება, ბრეინ რინგი, ჯეპარდი, თემატური ქვიზ ტურები, კროსვორდ ტური და ინტელექტუალური დუელი” – განაცხადა გიორგი შენგელიამ