ხალხის რეაქცია: ,,სირაქლემას კვერცხები ხუთჯვრიანი დროშების ნაცვლად” და ზუგდიდის მერიის დარცხვენილი განცხადება, რომ საყვავილეებს სხვაგან გადაიტანენ [Video]

0
543

მერიის კეთილმოწყობის სამსახურის უფროსი დიმიტრი ფაცაცია აცხადებს, რომ შადრევნებთან განთავსებულ საყვავილეებს დღეს საღამოს იუსტიციის სასახლის მიმდებარე ტერიტორიაზე გადაიტანენ.

გუშინ სოციალურ ქსელსა და მედიაში ზუგდიდის შადრევანთან დადგმული საყვავილეების კატასტროფულ დიზაინს, ადგილსა და ცქრიალა შადრევნის არქიტექტურული კონტექსტიდან სრულიად ამოვარდნილ მასშტაბებს მოქალაქეების მწვავე რეაქცია მოყვა – საყვავილეებს უკვე მოუძებნეს სხვადასხვა სახელი: სირაქლემას კვერცხები, დევის კვერცხები , რუსული კვერცხები და სხვა , რომლებშიც ძნელი არ არის ამოიკითხო, რას ფიქრობს ხალხი ,,ამა საქმეთა შემოქმედზე” და ვის მიემართება ეს ირონია.

მერიაში ამბობენ, რომ გადაწყვეტილება უკვე მიღებულია, თუმცა იხტიბარს არ იტეხენ და თავს იმართლებენ, რომ საყვავილეები აქ მხოლოდ დროებით დაიდგა. სხვათა შორის, ქალაქის ცენტრში განთავსებული შადრევანი მახინჯი და უგემოვნო ფიგურების დროებითი საწყობი არ არის.

კიდევ ერთი ,,სხვათა შორის”: იუსტიციის სასახლეც არ იმსახურებს იმას, რომ მისი მიმდებარე ტერიტორია დიზაინერული ეკლექტიკის ნიმუში გახდეს – იქ უკვე დგას გიგანტური კონუსური კლუმბები.

მესამე ,,სხვათაშორის”: როგორც სოციალური ქსელის ერთერთი მომხმარებლის კომენტარშია ნათქვამი, ჯერ იყო და, შადრევანზე საქართველოს დროშას იაპონიის დროშა თუ ჭიამაიას კოპლები არჩიეს, ახლა კიდევ ეს კვერცხები ,,შეტენეს.” რას ერჩიან ამ შადრევანს, ხალხმა კი იცის, მაგრამ მერიაში ეტყობა არ იციან, რომ ხალხმა იცის, რაშია საქმე

კომენტარის დატოვება

Please enter your comment!
Please enter your name here