აფხაზეთის „საპრეზიდენტო არჩევნების“ მეორე ტურში რაულ ხაჯიმბამ გაიმარჯვა

0
116

აფხაზეთის „საპრეზიდენტო არჩევნების“ მეორე ტურში რაულ ხაჯიმბამ გაიმარჯვა. წინასწარი მონაცემებით, მან ხმათა 47.38% პროცენტი მოიპოვა, – ამის შესახებ ე.წ. აფხაზეთის ცენტრალური საარჩევნო კომისიის თავმჯდომარემ თამაზ გოგიამ განაცხადა.

მეორე „კანდიდატმა“ ალხაზ კვიწინიამ ხმათა 46.19 პროცენტი მოიპოვა.

აფხაზეთის ე.წ. საპრეზიდენტო არჩევნების „მეორე ტური“ 8 სექტემბერს გაიმართა. ამომრჩეველთა აქტივობა 65.98 პროცენტი იყო

რაულ ხაჯიმბამ ჯერ კიდევ წუხელ, საარჩევნო უბნების დახურვიდან მოკლე ხანში განაცხადა, რომ ლიდერობს საპრეზიდენტო არჩევნების მეორე ტურში. “წინასწარი შედეგებით, გამარჯვება ჩემია. მაგრამ მე გამარჯვება არ მინდა ჩემთვის, გამარჯვება ხალხისთვის მინდა”, -განუცხადა მან თავის მომხრეებს.

ალხას კვიწინია კი არჩევნების შედეგებს არ აღიარებს და გასაჩივრებას გეგმავს, მით უფრო, რომ სხვაობა კანდიდატების მიერ მიღებულ ხმებს შორის დაახლოებით 1000 ხმაა.

ევროკავშირი არ ცნობს „კონსტიტუციურ და სამართლებრივ ჩარჩოებს, რომელშიც 25 აგვისტოს, ე.წ. აფხაზეთის საპრეზიდენტო არჩევნების პირველი ტური ჩატარდა, ხოლო 8 სექტემბერს მეორე რაუნდი იმართება“, – ნათქვამია ევროკავშირის საგარეო ქმედებათა ევროპული სამსახურის გენერალური მდივნის მოადგილის, ჟან-კრისტოფ ბელიარდის მიერ, კავშირის სახელით მეორე ტურამდე გავრცელებულ განცხადებაში

კომენტარის დატოვება

Please enter your comment!
Please enter your name here