აპონიის დედაქალაქ ტოკიოს ტაიფუნი „ფაქსაი“ დაატყდა თავს, რამაც ძლიერი წვიმები და ქარიშხალი გამოიწვია, – ამის შესახებ ინფორმაციას „ბიბისი“ ავრცელებს.
ქარიშხლის გამო, რომლის სიჩქარემ 210 კმ/სთ მიაღწია, რეგიონში 100 ავია და ამდენივე სარკინიგზო რეისი გაუქმდა.
მათივე ინფორმაციით, ხელისუფლებამ 390,000-ზემეტი ადამიანის ევაკუაციის რეეკომენადაცია გასცა.
ტოკიოს ელექტროენერგიის კომპანიის ინფორმაციით, დაახლოებით 290,000 ოჯახი ელექტროენერგიის გარეშეა დარჩენილი.
ამჟამად „ფაქსაი“ 25 კმ/სთ სიჩქარით ჩრდილოეთისკენ მიიწევს. ქვეყნის ხელისუფლება მოსახლეობას მოსალოდნელი მეწყერისა და მდინარეების ადიდების შესახებ აფრთხილებს.
ბაჰამის კუნძულებზე კი ქარიშხალ „დორიანის“ შედეგად დაკარგულების სამძებრო სამუშაოები გრძელდება.
როგორც ბაჰამის კუნძულების საგანგებო სიტუაციების მართვის სააგენტოში განაცხადეს, თავდაპირველად მაშველები დაკარგულების და დაღუპულების ცხედრების პოვნას შეეცდებიან, შემდეგ კი გაწმენდითი სამუშაოები დაიწყება.
სტიქიამ მნიშვნელოვანი ზარალი მიაყენა კუნძულების მოსახლეობას. ამ დრომდე გრელდება კუნძულ აბაკოდან უსახლკაროდ დარჩენილი მოსახლეობის ევაკუაცია. ათასობით ადამიანს თავშესაფარი და პირველადი დახმარება ესაჭიროება. ბოლო მონაცემებით, დაღუპულია 43 ადამიანი. თუმცა, მოსალოდნელია მსხვერპლთა რიცხვის ზრდა. აბაკოს კუნძულის მოსახლეობა მთავრობას ადანაშაულებს იმაში, რომ შესაბამისმა სამსახურებმა სტიქიამდე და მას შემდეგ მოსახლეობის სათანადო დახმარება ვერ შეძლო.
