ანაკლიის ფესტივალზე შეკრებილი ახალგაზრდების ჯანმრთელობა და სიცოცხლე უცილობლად იქნება დაცული – აცხადებენ ორგანიზატორები

0
628

ინფორმაციამ იმის შესახებ, რომ ანაკლიაში მიმდინარე მუსიკალური ფესტივალის ტერიტორიაზე ნარკოტიკებთან დაკავშირებული პირები გამოჩნდნენ ( შსს ცნობით, ნარკოდანაშაულისათვის აქ უკვე დაკავებულია 2 პირი), გააჩინა მღელვარების განცდა, რომელიცწინა წლებში მომხდარ შემაშფოთებელ ფაქტებს ეყრდობა.

ფესტივალის ორგანიზატორები აცხადებენ, რომ სამართალდამცველებთან ერთად ყველა ზომებს იღებენ იმისათვის, რომ მსგავსი რამ წელს არ განმეორდეს და ფესტივალზე შეკრებილი ახალგაზრდების ჯანმრთელობა და სიცოცხლე უცილობლად იყოს დაცული. და თუ მაინც მოხდა გაუთვალისწინებელი შემთხვევა, გარანტირებულად შეიძლება ითქვას რომ პირველადი სამედიცინო დახმარება არ დააგვიანებს.

ჯანდაცვის სამინისტრომ, ანაკლიაში მუსიკალური ფესტივალის დასრულებამდე სამედიცინო დახმარების პუნქტები გახსნა.

ჯანდაცვის სამინისტროს ინფორმაციით, საგანგებო სიტუაციების კოორდინაციისა და გადაუდებელი დახმარების ცენტრის დირექტორმა ავთანდილ თალაკვაძემ ადგილზე დაათვალიერა, პირველადი სამედიცინო დახმარების 2 პუნქტი, სასწრაფო დახმარების 4 ეკიპაჟი და შესაბამისი აღჭურვილობის 1 რეანიმობილი, რომელიც ჯანდაცვის სამინისტრომ ანაკლიაში, ელექტრონული მუსიკის ფესტივალის დასრულებამდე გახსნა.

მედპერსონალი ფესტივალის სტუმრებს, საჭიროების შემთხვევაში, პირველად სამედიცინო დახმარებას ადგილზე აღმოუჩენს, ჰოსპიტალიზაციას კი, იქვე განთავსებული სასწრაფო სამედიცინო დახმარების ეკიპაჟი უზრუნველყოფს.

წინა სტატიაეკა კვესიტაძე მის მიმართ განსხვავებული მოსაზრებების გამო დისკრიმინაციის დასადგენად სახალხო დამცველს მიმართავს
შემდეგი სტატია“აქ-TV” – თოქ-შოუ გადაცემა 1
ტელეკომპანია ოდიშის საინფორმაციო სამსახური