ტრანსპორტისა და გზების ასოციაცია ქვეყნის მასშტაბით სწავლობს საგზაო უსაფრთხოების საკითხებს და იმ მიზეზებს, თუ რა იწვევს ხშირ ავტოსაგზაო შემთხვევებს. ამ პრობლემურ თემაზე ტრანსპორტისა და გზების ასოციაციამ მონიტორინგი ჩაატარა. როგორც ასოციაციის თავმჯდომარე დავით მესხიშვილი განმარტავს, ის ზუგდიდში ადგილზე გაეცნო ამ კუთხით არსებულ ვითარებას. მისი თქმით, პრობლემები ერთნაირი სახისაა და სამწუხაროდ არ ხდება მისი დროული მოგვარება. მან ასევე ისაუბრა რამდენიმე დღის წინ ნოსირში მომხდარ ავტო საგზაო შემთხვევაზე, სადაც ავარიის გამომწვევ ერთ-ერთ მიზეზად მოუწესრიგებელი გზა დასახელდა. ავტოსატრანსპორტო საშუალებების პერიოდული ტექნიკური ინსპექტირება იანვრიდან დაიწყო და ეტაპობრივად ხორციელდება. დავით მესხიშვილის თქმით, ისინი ამ შემთხვევაშიც პრობლემებს აწყდებიან.