დღეს ზუგდიდის რკინიგზის სადგურზე მისულ მგზავრებს თბილისის მიმართულებით სამარშუტო ტაქსის ბილეთის შეძენა 15 ლარის ნაცვლად 20 ლარად მოუწიათ. მძღოლებს რამდენიმე არგუმენტი მოყავთ თუ რატომ გააძვირეს მგზავრობის ღირებულება. მათი თქმით, ბოლო დღეებში საწვავზე ფასები დაახლოებით 20 თეთრით არის გაზრდილი და შესაბამისად ბილეთის ფასის ღირებულების გაზრდა გახდა საჭირო. მგზავრობის ღირებულების გაძვირების გარდა, მძღოლები ავტონაწილებზეც გაზრდილი ფასების გამოც ჩივიან. მგზავრებისთვის მოულოდნელი და ასევე უკმაყოფილების მიზეზი აღმოჩნდა ხუთი ლარით გაძვირებული ბილეთის შეძენა, თუმცა როგორც ჩვენთან საუბარში განმარტეს, ფასებმა ყველაფერზე მოიმატა, ლარი გაუფასურდა და მგზავრობის ღირებულების გაზრდაც გარდაუვალი იყო. სამარშუტო ტაქსის მძღოლები აცხადებენ, რომ თუ საწვავის ფასი არ დარეგულირდა და უფრო გაიზარდა, მაშინ გამორიცხული არაა, რომ მგზავრობის ტარიფმა კიდევ მოიმატოს.
მგზავრებისთვის მოულოდნელი და ასევე უკმაყოფილების მიზეზი აღმოჩნდა ხუთი ლარით გაძვირებული ბილეთის შეძენა [Video]
Published on