პანკისის ხეობაში ჩატარებული სპეცოპერაციის დროს სასიკვდილოდ დაჭრილი 19 წლის თემირლან მაჩალიკაშვილის მშობლებმა, მათი შვილის საქმეზე პარლამენტის დროებითი საგამოძიებო კომისიის შექმნის მოთხოვნით, რეგიონებში ხელმოწერების შეგროვება დაიწყეს. მაჩალიკაშვილების ოჯახი პეტიციაზე ხელმოწერებს დღეს ზუგდიდში აგროვებს. მალხაზ მაჩალიკაშვილის თქმით, ხელისუფლებას ამ დრომდე არ გამოუძიებია მისი შვილის მკვლელობის საქმე და ის ყველა ღონეს იხმარს იმისთვის, რომ აიძულოს ხელისუფლება თემირლანის საქმე გამოიძიოს.
თემირლან მაჩალიკაშვილის საქმეზე საგამოძიებო კომისიის შექმნის მოთხოვნით პარლამენტში დადგენილების პროექტი 2018 წლის ბოლოს შეიტანეს. იგივე მოთხოვნით პარლამენტში შევიდა პეტიციაც, რომელსაც 2000 ადამიანი აწერს ხელს.