პრემიერ-მინისტრმა მამუკა ბახტაძემ ზუგდიდში თხილის მწარმოებელ ფერმერებთან შეხვედრა გამართა, პრემიერის შეფასებით, ხელისუფლების მთავარი ამოცანა ქვეყანაში ისეთი ეკონომიკური მოდელის არსებობაა, რომელშიც საქართველოს თითოეული მოქალაქე მიიღებს შემოსავალს და მისი პირობები დღითიდღე გაუმჯობესდება. აზიურ ფაროსანასთან დაკავშირებული გამოწვევა დიდწილად დაძლეულია, – ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა განაცხადა, რომელიც პრემიერ-მინისტრთან ერთად თხილის საწარმო „ჯეო-ნათსში“ იმყოფებოდა. პრემიერი თხილის საწარმოში სამუშაო პროცესს გარემოს დაცვისა და სოფლის მეურნეობის მინისტრ ლევან დავითაშვილსა და აშშ-ის ელჩის მოვალეობის შემსრულებელ ელიზაბეთ რუდთან ერთად გაეცნო.