მოსამართლე ირაკლი აბშილავამ არ დააკმაყოფილა ემზარ კვიციანის ადვოკატის შუამდგომლობა, საქმეში ახლადაღმოჩენილი გარემოებების გამო ქონებრივი და არაქონებრივი საკუთრების დაბრუნების მიზნით საქმის წარმოება განეახლებინა. ასევე კვიციანის ადვოკატმა მოითხოვა სასამართლოს 2018 წლის ივნისის გადაწყვეტილების ბათილად ცნობა. საუბარია 2006-2007 წლების საქმეზე, როცა ადვოკატ ნუკი შალამბერიძის თქმით, სახელმწიფომ კვიციანისა და მისი ახლობლების ქონება უკანონოდ მიითვისა. ადვოკატის თქმით, ემზარ კვიციანის გარდა, ქონების დაბრუნებას კიდევ 7 პირი ითხოვს. მოსამართლის მიერ დღეს მიღებული გადაწყვეტილება ადვოკატის თქმით არაკანონიერია. რასაც არ ეთანხმება საქართველოს გენერალური პროკურატურა.ემზარ კვიციანი ამბობს, რომ რეპრესიები გრძელდება, ბიძინა ივანიშვილი მას კუთვნილ ქონებას აღარ უბრუნებს, რასაც დღევანდელი სასამართლო გადაწყვეტილებით ხსნის.
ემზარ კვიციანს პროკურატურა 2007 წელს კოდორის ხეობის დაუმროჩილებლობას, სახელმწიფოს წინააღმდეგ ამბოხებასა და შეიარაღებული დაჯგუფების შექმნაში ადანაშაულებდა. 2014 წელს სასამართლომ კვიციანი გაათავისუფლა. ამჟამად ის იმ ქონების დაბრუნებას ითხოვს, რაც 2007 წელს ჩამოერთვა.